UVIÉU, 02 de Xineru (EUROPA PRESS) Los sindicatos asturianos aconceyáronse güei pa defender la situación de 112 operarios de l'Alministración que puen vese na cai afeutaos por una sentencia qu'anula cuatro entrugues del segundu exerciciu d'un procesu selectivu realizáu nel 2006, según esplicó ante los medios Patricia Jove Gómez, una de les persones afeutaes pola situación.
MADRID, 02 de Xineru (EUROPA PRESS) L'afeición del virus de la gripe n'Españaa casi se duplicó nes útlimes selanes, puesto que, según los últimos datos de la rede Nacional de Vixilancia Epidemiolóxica del Institutu de Salú Carlos III, na selmana del 21 al 27 d'avientu se rexistraron 148,18 casos por cada 100.000 habitantes, frente a los 70,48 casos rexistraos a mediaos del mesmu mes, del 7 a 13 de payares. Nel casu concretu d'Asturies, foi la comunidá más castigada na selmana previa a les fiestes de Navidá, con 444,59 casos por cada 100.000 habitantes.
MADRID, 2 de Xineru (EUROPA PRESS) El vicesecretariu de Comunicación del PP, Esteban González Pons, mostróse güei convencíu de que'l presidente del Gobiernu, José Luis Rodrígeuz Zapatero, perdió "cientos de miles de votos" dende les pasaes elecciones xenerales de marzu, pese a que delles encuestes asitien al PSOE más de dos puntos penriba del PP. Dicho esto, aseguró que'l so partíu va ganar les elecciones europees que, según dixo, son una "reválida" pal Executivu.
ADDIS ABEBA, 02 de Xineru (EUROPA PRESS) Etiopía anunció güei qu'entamó a retirar les sos tropes de Somalia, onde entraron hai dos años p'ayudar al Gobiernu de transición na so llucha coles milicies islámiques. "La retirada de les nueses tropes de Somalia entró na so fase d'execución", declaró Bereket Simon, asesor especial del rpimer ministru etíope, Meles Zenawi. "La retirada nun va poder completase nun solu día, va acabase lo primero posible", afirmó a Reuters. Esta mañana viose un convoi del Exércitu etíope saliendo de Mogadiscio.
MADRID, 02 de Xineru (EUROPA PRESS) El voceru de la ONG SOS Racismu, Javier Ramírez, afirmó güei qu'España "ye cómpliz de los abusos de la policía marroquí porque collabora y financia'l trabayu de control de fronteres", que na nueche d'ayeri se saldó cola muerte d'un migrante y firíes a otros vente porque los xendarmes abrieron fueu.
XIXÓN, 02 de Xineru (EUROPA PRESS) La presidenta del Partíu Popular de Xixón, Pilar Fernández Pardo, reclamó güei a l'Autoridá Portuaria de Xixón qu'actúe de manera efeutiva pa llograr que'l proyeutu de l'autopista de la mar que va unir El Musel col puertu francés de Nantes seya una realidá lo primero posible. Fernández Pardo exixó amás un pronunciamientu "oficial y definitivu", per parte de los máximos responsables de l'Autoridá Portuaria de Xixón y de Puertos del Estáu, sobre la concesión a favor d'El Musel de la conexón col puertu de Nantes.
Va llendar la temperatura nos eficios públicos, que nun van poder superar los 21 graos n'iviernu nin baxar de los 26 en branu UVIÉU, 02 de Xineru (EUROPA PRESS) El ministeriu d'Industria, Turismu y Comerciu va preparar un proyeutu de Real Decretu, que previsiblemente va aprobase enantes de mayu, pol qu'obliga a que tolos edificios, de nueva construcción o non, dispongan d'un certificáu d'eficiencia enerxética cuando se viendan o alquilen.
LONDRES, 02 de Xineru (EUROPA PRESS) Reinu Uníu ta preparándose pa recibir a prisioneros enzarraos na base militar de Guantánamo pa que'l presidente electu norteamericanu, Barack Obama, puea cumplir cola so promesa y pesllala enantes del 2010. Fontes gubernamentales aseguren que Reinu Uníu apoya'l treslláu de presos a pesar de la oposición previa que manifestó'l presidente estaounidense, George Bush, según informa'l diariu 'The Times', Al paecer yá entamó'l procesu pa repartir a los deteníos que tán na prisión noteamericana y, según les fontes, les decisiones "van corresponder a la ministra británica d'Interior, Jacqui Smith, que va eximinar casu por casu".
Los incentivos a la inversión en xeneración eléctrica sólo van destinase a les plantes que funcionen al 90% de la so potencia UVIÉU/MADRID, 02 de Xineru (EUROPA PRESS) El Ministeriu d'Industria va aplicar de magar febreru un incrementu mensual del 5% na factura de la lluz de les cinco grandes plantes de producción industrial acoyíes a la tarifa G.4 pertenecientes a Arcelor Mittal, Asturiana de Zinc y Alcoa, toes elles con instalaciones n'Asturies.
|