Euskera

   BILBO, 5 Ene. (EUROPA PRESS) -    Bilboko Burtsa 25,98 puntu igo da gaurko saioaren amaieran eta behin betiko indizea 1.664,35 puntukoa izan da. Modu honetan, Bilboko Burtsaren indizea %1,59 igo da.

   BILBO, 5 Ene. (EUROPA PRESS) -    Guillermo del Toro zinemagile mexikarrak modu sakonean aztertu eta xehetasunez iruzkindu ditu Alfred Hitchcock maisuaren obra guztiak -pelikulak, telebistarako saioak eta beste zenbait proiektu- datorren astetik aurrera liburu-dendetan egongo den "Hitchcock" (Espasa) liburuan.

   GASTEIZ, 5 Ene. (EUROPA PRESS) -    Gasteizko tranbiak asteazkenean aplikatuko ditu bere tarifa ofizialak eta, egun horretatik aurrera, BAT eta TUVISA txartela erabiliz ordaindutako tranbiako bidaiak 0,55 euro balioko du. Gainera, paperezko formatuko 'Bidaia 1' billetez ordaindutako bidaia, erosi eta 50 minutuko epean burutu beharreko bidaia bakarrerako baliozkoa, euro bat kostatuko da, eta, egun osoan zehar nahi adina bidaia egiteko aukera ematen duen 'Egunekoa' billetea, berriz, hiru euro ordaindu beharko da.

   BILBO, 5 Ene. (EUROPA PRESS) -    Euskalmet Meteorologiaren Euskal Agentziaren iragarpenaren arabera, bihar elurra eta hotza izango dira guztiontzat hizpide. Zerua oso hodeitsu egongo da eta zaparrada arin-ertainak botako ditu, sarriago Kantauri isurialdean eta mendebaldean. Elur-kotak behera egingo du, goizaldean 600 metro inguruan kokatuko da baina arratsaldean 100-200 metrora jaitsiko da. Giro lasaiagoa hegoaldean, bertan ateri mantenduko baita.

   BILBO, 5 Ene. (EUROPA PRESS) -    Charo Lopez aktore espainiarra izango da asteburuko protagonista Barakaldo Antzokian (Bizkaia), Ariel Dorfmanen "El otro lado" izenburuko bere antzezlan berriarekin izango baita antzoki barakaldoarrean.   Lopezekin batera, Eusebio Lazaro eta Jose Luis Torrijo ere izango dira taula gainean, Lazaro bera izanik muntaiaren zuzendaria, aretoko arduradunek prentsa ohar batean gaur jakinarazi dutenez.

   DONOSTIA, 5 Ene. (EUROPA PRESS) -    Eusko Jaurlaritzako Kultura Sailak eta Etxebizitza eta Gizarte Gaietako Sailak Euskal Autonomia Erkidegoan (EAE) bizi diren etorkin helduen euskalduntzera bideratzen duten AISA harrera-ikastaroak finantzatzeko hitzarmena berrituko dute asteazkenean Jaurlaritzaren Donostiako egoitzan.

   BILBO, 5 Ene. (EUROPA PRESS) -    Ertzaintzaren agenteek 25 urteko gizonezko bat eta 15 urteko adingabeko bat atxilotu dituzte gaur goizaldean, ustez Trapagaranen (Bizkaia) emakumezko bati indarkeria erabiliz lapurreta egin izanagatik eta baita Barakaldon (Bizkaia) aparkatuta zegoen auto bat ere lapurtu izanagatik. Horrez gainera, Alonsotegin (Bizkaia) bi gizonezkori arma zuriz zauriak eragin izana eta beren diru-zorroak osten saiatu izana ere leporatzen zaie atxilotuei.

   BILBO, 5 Ene. (EUROPA PRESS) -    Punk rock mugimenduak 1970eko hamarkadaren bukaeran eman zituen hiru talde handi igaroko dira datozen hileetan Bilboko Kafe Antzokitik. Horrela, The Only Ones taldea otsailaren 21ean izango da areto bilbotarrean; Buzzcocks izango dira hurrenak, martxoaren 5ean; eta Stiff Little Fingers irlandarrek martxoaren 12an joko dute Bilbon.

   GASTEIZ, 5 Ene. (EUROPA PRESS) -    Ertzaintzaren agenteek 21 urteko gazte bat atxilotu zuten atzo arratsaldean Gasteizen indarkeriaz lapurreta egitea egotzita. Gazteak poltsa lapurtu omen zion emakume bati kalean, Eusko Jaurlaritzako Herrizaingo Sailak gaur jakinarazi duenez.